شكرا أولا إنك مجمع بعض لوحات شجال مع بعضها ، بدل ما هيه متناثرة ما بين المواقع :) ده فادني شخصيا و أنا بأدور على لوحاته
غير كده بقى فيمكن اللي لافت نظري في لوحات شجال / غير طفولته الناضجة في رموزه و ألوانه و تكوين لوحاته / هوه ظهور قد ايه كان حد متوائم مع نفسه قوي فيه نوع من الاتزان كده بتديها لوحاته ، و توصل الواحد لحالة مشابهة من راحة البال و التوائم مع الذات
كمان لفت نظري نظرته للأنثى تحس إنه مديها أهمية متميزة ، و بل يمكن مديها دور الصدارة في الحياة / الحب لو تلاحظ كده إن اللوحات اللي فيها رجل و إمرأة ، فالمرأة هيه اللي واخدة التركيز أكتر سواء في الحجم أو في الحركة أو في بؤرة الصورة نفسها
أنا مش فيمينست على فكرة ، بس حاسة إن معظم لوحات شجال اللي فيها عنصر المرأة بتقول كده بوضوح ، إن المرأة شيء حيوي جدا لوجوده ، و يمكن سر اتزانه
:) يظهر ان الطبيعي فعلا إن الواحد يفرح بالتعليقات اللي على حاجات قديمة له ، و يظهر إن كلنا كده
المهم
كنت عاوزة أقول إن الوضع مختلف شوية بالنسبة لكليمت عن شجال بالنسبة لنقطة المرأة دي
يعني مع شجال ، تحس إن مركزيتها موجوده كعنصر فاعل و رئيسي في الحياة
تحس بوجودها الحيوي
يعني في صورة فيها راجل و ست ، الست هيه اللي طاغية في حركتها و كتلتها في الصورة
عند كليمت / زيه زي فنانين كتير غيره / المرأة موجودة كمركز للصورة و أساس ليها أه ، بس موجوده كعنصر بيتم اكتشافه و تسليط الضوء عليه
ك " موضوع " للوحة ، مش كأساس في رؤية تحس يعني إن المرأة عند كليمت / زي غيره أكرر / موضع لإثارة الشغف و الفضول و الحب لكن مش موضع فهم و تقدير و إحتواء زي عند شجال
تحس حتى في تفاصيل المرأة المرسومة ، إنها عند كليمت أكثر حيوية و غواية و إشعاعا عند شجال تحس إن المرأة مش فيها كل الزخرفة اللي عند كليمت دي ، و تحس إنها " أنضج " ، مشعة من جوه مش من بره
غير كده عند كليمت لما بتظهر في صورة فيه راجل ، بيعود الوضع ( الطبيعي ) الموجود في الحياة ، بالتركيز على حجم أكبر للرجل ، و مركز أقوى في اللوحة ، بحيث يكون هوه اللي " بيقبل " المرأة المستسلمة لوجوده في لوحة من غير أي وجود حيوى ليها غير إنها " متواجدة " جسدا في اللوحة
10 comments:
شكراً علي شوية اللوحات الجميلة دي
عجبتني بشكل شخصي اللوحة الأولي
و اللوحة اللي نايم فيها رجل علي صدر إمرأة و بيبصوا سوا لنفس النقطة البعيدة .. في الغالب سرحانين
: )
---
لوحات رائعة
انت بتفهم والله يا عم مزمز
عشان انا كمان بحب مارك شجال واسلوبه وشخصيته....^^........
الله ينور
جميلة جداااااااااااااا
تحياتى
على باب الله:
الشكر لله يا باشا
مبسوط جدا إنهم عجبوك
منورني
شارم:
منورني ياباشا ومبسوط برضه إنك معجب بيهم
ساااااااااارة:
أخيرا ظهرتي
أنا مبسسسسسسووووووووط جدا إنكي جيتي
ده شرف ليا يا بنتي إني ذوقي يتوافق معاكي
خلينا نشوفك
نبض اسكندرية:
منوراني جدا ياجميل
تسلميلي
تحياتي
شكرا أولا إنك مجمع بعض لوحات شجال مع بعضها ، بدل ما هيه متناثرة ما بين المواقع :) ده فادني شخصيا و أنا بأدور على لوحاته
غير كده بقى
فيمكن اللي لافت نظري في لوحات شجال / غير طفولته الناضجة في رموزه و ألوانه و تكوين لوحاته /
هوه ظهور قد ايه كان حد متوائم مع نفسه قوي
فيه نوع من الاتزان كده بتديها لوحاته ، و توصل الواحد لحالة مشابهة من راحة البال و التوائم مع الذات
كمان
لفت نظري نظرته للأنثى
تحس إنه مديها أهمية متميزة ، و بل يمكن مديها دور الصدارة في الحياة / الحب
لو تلاحظ كده إن اللوحات اللي فيها رجل و إمرأة ، فالمرأة هيه اللي واخدة التركيز أكتر سواء في الحجم أو في الحركة أو في بؤرة الصورة نفسها
أنا مش فيمينست على فكرة ، بس حاسة إن معظم لوحات شجال اللي فيها عنصر المرأة بتقول كده بوضوح ، إن المرأة شيء حيوي جدا لوجوده ، و يمكن سر اتزانه
شغف:
أولا عايز أقوللك اني سعيد بتعليقك جدا
السبب الأول اني بحب التعليقات اللي على حاجات قديمة وأنا مش عامل خاصية انه يبعتلي التعليقات على الميل عشان كده شفت تعليقك صدفة
ثانيا لأن تعليقك من أجمل التعليقات اللي جتلي المدونة لأنك بتناقشي وتدي وجهة نظر جميلة وعميقة جدا وكمان مفيدة
أنا متفق معاكي جدا بخصوص السكينة والاتساق الجميل اللي في لوحات شجال
اختيار لمواضيع والخطوط والألوان والحركة وكله بيوصل لنفس الحالة من الجمال الخالص المريح
بخصوص نظرته للأنثى فهم واضح فعلا كونه مديها مركزية كبيرة في اعماله
أنا كمان بشوف ده في أعمال جوستاف كليمت جدا
:)
يظهر ان الطبيعي فعلا إن الواحد يفرح بالتعليقات اللي على حاجات قديمة له ، و يظهر إن كلنا كده
المهم
كنت عاوزة أقول إن الوضع مختلف شوية بالنسبة لكليمت عن شجال بالنسبة لنقطة المرأة دي
يعني مع شجال ، تحس إن مركزيتها موجوده كعنصر فاعل و رئيسي في الحياة
تحس بوجودها الحيوي
يعني في صورة فيها راجل و ست ، الست هيه اللي طاغية في حركتها و كتلتها في الصورة
عند كليمت / زيه زي فنانين كتير غيره / المرأة موجودة كمركز للصورة و أساس ليها أه ، بس موجوده كعنصر بيتم اكتشافه و تسليط الضوء عليه
ك " موضوع " للوحة ، مش كأساس في رؤية
تحس يعني إن المرأة عند كليمت / زي غيره أكرر / موضع لإثارة الشغف و الفضول و الحب
لكن مش موضع فهم و تقدير و إحتواء زي عند شجال
تحس حتى في تفاصيل المرأة المرسومة ، إنها عند كليمت أكثر حيوية و غواية و إشعاعا
عند شجال تحس إن المرأة مش فيها كل الزخرفة اللي عند كليمت دي ، و تحس إنها " أنضج " ، مشعة من جوه مش من بره
غير كده
عند كليمت
لما بتظهر في صورة فيه راجل ، بيعود الوضع ( الطبيعي ) الموجود في الحياة ، بالتركيز على حجم أكبر للرجل ، و مركز أقوى في اللوحة ، بحيث يكون هوه اللي " بيقبل " المرأة المستسلمة لوجوده في لوحة من غير أي وجود حيوى ليها غير إنها " متواجدة " جسدا في اللوحة
x
x
x
x
x
x
x
http://www.3rbsc.com/vb/index.php
المنتدى العلمي الثقافي
x
x
x
x
x
x
x
http://www.3rbsc.com/vb/
المنتدى العلمي الثقافي
Post a Comment