Pages

About Me

My photo
في الغالب أنا عيل

Tuesday, September 18, 2007

عن علي

(1)
خسارة كبيرة جدا ليا وليه إنه مش ابني
كان نفسي جدا عليّ يبقى ابني مش مجرد أخويا الصغير
هو يمكن كونه أخويا عامل للعلاقة شوية تميز وتفرد
بس كونه ابني كان هيبقى فيه اختلافات كتير
منها مثلا إن كان هيبقى عندي زوجة تساعدني معاه
هو يمكن كوني أخوه مخلليني أبوه وأمه
وده جميل جدا
بس متعب
بس دي مش النقطة المهمة
لكن الحقيقة إني كان نفسي يبقى ابني فعلا عشان بفكر أحيانا
إني هاتجوز ويبقى ليا ولاد تاني غيره
المعفنين الكلاب دول ممكن ياخدوا اهتمام أكتر من علولتي المانجاية الشهية
ومش بعيد كمان أحبهم أكتر
وكل ما أفكر في كده أكرههم أكتر
مش ممكن أرضى ييجي يوم يكون فيه عليّ مجرد أخويا الصغير اللي ربيته
وبعدين كبر وبقى بالنسبة ليا هامشي
وسلامات على كده
عشان كده
أنا بكره ولادي الجايين
علي أجمل بكتير
علي مانجاية شهية
علي كواكبي الفريدة
وابني الحقيقي اللي مخلفتوش واللي مش هاخلفه
.....................
(2)
علي دلوقتي بيغلط غلطات حقيقية محتاجة تقويم جدي جدا ومحكم
علي كبر شوية وبدأت أفكر إني بخاف عليه جدا
المرحلة الصعبة في التربية بدأت
والمواجهة الحقيقية مع الواقع اليومي مرعبة
أنا مثقل جدا بهذا العبء
..
ادعوا لي يا أصدقائي
.......................
(3)
أنا أحب هذه المانجاية الشهية طفلا صغيرا يستكشف ويلعب
لا أطيق أن يكبر
نعم أحب أن أكتشف أنه ينضج أمام عيني تدريجيا
ولكنني لا أطيق حتى التفكير في أنه سيكون كبيرا
بصوت هكذا أجش
تخيلوا علي بصوت الكبار
ستكون هذه عحيبة من عجائب الكون
سيكون له ذكر ينتصب
وشهوات
سيكون كبيرا
سيطول جسده الصغير
وأصدقاء يكلمهم في غرفة مغلقة لا أسمعه
لا أطيق كل هذا
لا أطيق حتى التفكير فيه ولا الكتابة عنه

4 comments:

dandana said...

لا مفر....

هايكبر يعنى هايكبر....

واضح انك انت اللى لازم تتاقلم مع الوضع ...

وبعدين ياريت ماتسكتش على موضوع الاخطاء دا والا مافيش خطوبة...وندى هاتصرف نظر...

ولو انى بواجه نفس المشكلة معاها...
بس كل حاجة هاتبقى انرد كونترول ان شاء الله....

Rivendell** said...

ابتدي اتعايش بقى

ربنا يعينك يا صديقي

sara... said...

ربنا يخليهولك يا مزمز
وتشوفه بيكبر ويبقي حاجه جميله جدااااااااااا
اه يا مزمز هى متاخرة شويه بس مش عارفه ازاى نسيت اقولك قول ليارا كل سنه وهى طيبه على العيد ميلاد ورمضان والسنه الجديده
وكل سنه وانت طيب للتلاته برده
باااااااااااااااااى

مُزمُز said...

دندنة: متقلقيش على موضوع الأخطاء ده وبعدين ناوية ترجعي في كلامك وللا إيه؟
:)


ريفندل:

بتعايش أهو

آميييييين

سارة:

هابلغها حاضر يت سترة يا جميلة

وكل سنة وانتي طيبة